ఎమ్మెల్యే ఇంటూరి నాగేశ్వరరావుకు అభినందనల వెల్లువతో కిటకిటలాడుతున్న టిడిపి కార్యాలయం
BSBNEWS - KANDUKUR
కందుకూరు ఎమ్మెల్యే ఇంటూరి నాగేశ్వరరావు కి శుభాకాంక్షలు తెలియజేసేందుకు వస్తున్న వారితో గత నాలుగు రోజులుగా కందుకూరు తెలుగుదేశం పార్టీ కార్యాలయం కిటకిటలాడుతోంది. వివిధ వర్గాల ప్రజలు, తెలుగుదేశం, జనసేన, బిజెపి పార్టీ నాయకులు, కార్యకర్తలు, ప్రభుత్వ, ప్రైవేటు ఉద్యోగులు నాగేశ్వరరావుని మర్యాదపూర్వకంగా కలిసి శుభాకాంక్షలు చెబుతున్నారు. పుష్పగుచ్చాలు అందిస్తూ శాలువాలతో సత్కరిస్తున్నారు. కందుకూరు పట్టణంలోని పలువురు ముస్లిం సోదరులు, నాగేశ్వరరావు చేత కేక్ కట్ చేయించి శుభాకాంక్షలు తెలిపారు. పట్టణ మైనారిటీ సెల్ అధ్యక్షుడు షేక్ సలాం, నియోజకవర్గ ఐటీడీపీ అధ్యక్షుడు షేక్ మున్నా, నెల్లూరు పార్లమెంట్ తెలుగు యువత కార్యదర్శి షేక్ ఫిరోజ్, షేక్ ఇశ్రాని, రూబీ, ఖాదర్బాషా, గౌస్ బాషా, అమీరుల్లా, వలి, సయ్యద్ తదితరులు పాల్గొన్నారు. అలాగే వలేటివారిపాలెం మండల పార్టీ అధ్యక్షులు మాదాల లక్ష్మీనరసింహం ఆధ్వర్యంలో మాలకొండలో 101 కొబ్బరికాయలు కొట్టి మొక్కు చెల్లించుకున్నారు. కందుకూరు పట్టణానికి చెందిన తొట్టెంపూడి రమణ ఆధ్వర్యంలోనూ 101 కొబ్బరికాయలు కొట్టారు.
